Injured

کراچی: شاپنگ مال میں خوفناک آتشزدگی،8 افراد جاں بحق، 11 زخمی

کراچی میں راشد منہاس روڈپر واقع شاپنگ مال میں آگ لگنے سے جاں بحق افراد کی تعداد 8 ہوگئی جبکہ متعدد افراد جھلس کر زخمی ہوگئے۔ تفصیلات کے مطابق کراچی کے علاقے جوہر موڑ پر شاپنگ مال میں لگنے والی آگ پر تین گھنٹے گزر جانے کی بعد بھی قابو نہیں پایا جاسکا ہے۔ حکام کے مطابق کراچی میں راشد منہاس روڈ ڈالیما کے مقام پر قائم شاپنگ میں آتشزدگی کے نتیجے میں جاں بحق افراد کی تعداد 8 ہوگئی جبکہ 11 افراد جھلس کر زخمی ہوگئے، جنہیں قریبی اسپتالوں میں منتقل کردیا گیا۔ ترجمان ریسکیو کے مطابق 7 افراد کو بے ہوشی کی حالت میں ریسکیو کیا گیا، 30 سے 35 افراد اپنی مدد آب کے تحت عمارت سے باہر آئے جبکہ مزید پھنسے افراد کو ریسکیو کرنے کی کوششیں جاری ہیں۔ فائربریگیڈ حکام کا کہنا تھا کہ اسنار کل سے عمارت میں پھنسے 2 افراد کو نکالا جاچکا ہے، آگ کے باعث شیشے ٹوٹنے سے دھماکوں کی آوازیں آرہی ہیں، آگ چوتھی،پانچویں اور چھٹی منزل پر لگی ہے۔ آگ بجھانے کے لئے فائر بریگیڈ کی 6 گاڑیاں اور 2 اسنار کل ان ایکشن ہے۔

کراچی: شاپنگ مال میں خوفناک آتشزدگی،8 افراد جاں بحق، 11 زخمی Read More »

سیہون شریف: مسافر کوچ اور ٹرک کے درمیان تصادم، 10 افراد زخمی، ہسپتال منتقل

سیہون شریف: ( ایگنایٹ پاکستان) سیہون شریف میں مسافر کوچ اور ٹرک کے درمیان تصادم کے نتیجے میں 10 افراد زخمی ہو گئے۔ ٹریفک کا حادثہ سیہون شریف کے علاقے انڈس ہائی روڈ پر بھان سید آباد کے قریب پیش آیا جہاں مسافر کوچ تیز رفتاری کے باعث کوئلے سے بھرے ٹرک سے ٹکرا گئی، حادثے کے نتیجے میں 10 افراد زخمی ہو گئے ہیں۔ حادثے کی اطلاع ملنے کے بعد ریسکیو ٹیم موقع پر پہنچ گئی اور زخمی ہونے والے افراد کو قریبی ہسپتال منتقل کر دیا جہاں انہیں طبی امداد دی جا رہی ہے، پولیس نے حادثے کی وجہ معلوم کرنے کیلئے تفتیش شروع کر دی۔

سیہون شریف: مسافر کوچ اور ٹرک کے درمیان تصادم، 10 افراد زخمی، ہسپتال منتقل Read More »