کندھ کوٹ: (ایگنا یٹ پاکستان) پانی کی وارابندی پر دو برادریوں میں ہونے والی لڑائی نے شدت اختیار کر لی، فریقین نے ایک دوسرے پر ڈنڈوں اور اینٹوں سے حملہ کر دیا۔
ذرائع کے مطابق رسالدار پولیس تھانہ کی حدود میں واقع گاؤں علی محمد کھوسو میں پانی کے وارابندی پر دو برادریوں میں لڑائی ہوگئی، دونوں فریقین کے افراد نے دیکھتے ہی دیکھتے ایک دوسرے کو ڈنڈے مارنے اور اینٹیں برسانا شروع کر دیں۔
واقعے میں دونوں برادریوں کے 12 افراد زخمی ہوگئے، اطلاع ملنے پر پولیس نے موقع پر پہنچ کر زخمیوں کو ہسپتال منتقل کر دیا۔