دبئی – متحدہ عرب امارات نے زائد قیام اور غیر قانونی کام کرنے کی وجہ سے 20 ممالک کے شہریوں کو دبئی کا وزٹ ویزا جاری کرنے پر پابندی عائد کر دی ہے۔ ایک جرمن میڈیا آؤٹ لیٹ نے بتایا کہ یہ پابندی 20 افریقی ممالک کے شہریوں پر عائد کی گئی ہے اور یہ فوری طور پر نافذ العمل ہو گئی ہے۔ پابندی کا سامنا کرنے والے ممالک میں گھانا، سیرا لیون، سوڈان، کیمرون، نائجیریا، لائبیریا، برونڈی، جمہوریہ گنی، گیمبیا، ٹوگو، جمہوری جمہوریہ کوگنو، سینیگال، بینن، آئیوری کوسٹ، کانگو، روانڈا، برکینا فاسو، گنی بساؤ اور کوموروس یہ پیشرفت متحدہ عرب امارات کی جانب سے نئے ویزا نظام کے اعلان کے ایک ماہ بعد سامنے آئی ہے، جس میں فیصلہ کیا گیا ہے کہ نائجیریا کے 40 سال سے کم عمر کے شہریوں کو کوئی وزٹ ویزا جاری نہیں کیا جائے گا۔ خوش قسمتی سے، پاکستانی شہری خلیجی ریاست کا سفر کرنے کے لیے وزٹ ویزا حاصل کرنے کے لیے آزاد ہیں۔
